शूर आम्ही…

शूर आम्ही…

"शूर आम्ही सरदार …" हे गाणं शांताबाईंनी शिव-राज्याला अनुसरून अप्रतिम लिहिलं. पण तेच जर आजच्या "आदर्श" राज्य कारभाराला अनुसरून लिहायचे झाल्यास असेच लिहावे लागेल…!!

शूर आम्ही आमदार आम्हाला काय कुनाची भीती,

पैसा, खुर्ची अन सत्तेसाठी प्रान घेतलं हाती,
शूर आम्ही आमदार आम्हाला काय कुनाची भीती   ll धृ ll

सत्तेच्या कैफात उमगली घोटाळ्यांची रीत,

खुर्चीसंगे लगीन लागलं जडली येडी प्रीत,

लाल दिव्यांच्या गाड्यांमधुनी अमुची भित्री छाती,

पैसा, खुर्ची अन सत्तेसाठी प्रान घेतलं हाती,
शूर आम्ही आमदार आम्हाला काय कुनाची भीती   ll १ ll

काम न करता 'खावं-प्यावं', हेच आम्हाला ठाव,

'पिऊन' निजावं, उठूनच 'खावं', हेच आम्हाला ठाव,

स्वार्थासाठी सारी विसरू लाज-शरम अन नीती,

पैसा, खुर्ची अन सत्तेसाठी प्रान घेतलं हाती,
शूर आम्ही आमदार आम्हाला काय कुनाची भीती   ll २ ll

-- सौरभ जोशी. 

टीप – वरील कवितेतील कुठल्याही शब्दाचे वास्तवाशी साधर्म्य आढळल्यास तो निव्वळ योगायोग समजावा.