विडंबन - प्रभाती सूर नभी रंगती

समस्त नवरा जातीचे रविवार सकाळचे मनोगत मी विडंबनात्मक पद्धतीने व्यक्त करण्याचा प्रयत्न केला आहे. (चाल - प्रभाती सूर नभी रंगती..)

प्रभाती जांभया येती, दशदिशा "झोपा रे" म्हणती...ll धृ.ll

फरशीवरती चहा सांडवीत, बायको आपुली असते तंद्रीत l
जागी होऊन मुले अखंडीत, कोलाहल करती ll १ ll धृ.

अर्धांगिनीची बोंब ऐकुनी, जागा होतो धडकी भरुनी l
मग ती अपुल्या तार स्वरांनी, कानाशी कोकली ll २ ll धृ.

क्रोधितवदने माझ्याकडुनी, भांडी घासवी लाटणे मारुनी l
कामवालीचे नाम स्मरोनी, करितो मग आरती ll ३ ll धृ.

-- सौरभ जोशी