पहिला पाऊस

पहिला पाऊस

लखलख आभाळात,

बसे लपून चांदवा l  

पहिल्याच पावसाचा,

भिडे अंगाला गारवा. ll

वैशाखात भाजलेल्या,

साऱ्या आसमंतावरी l 

शिंपी नाजूक ओलावा,

अन चैतन्याच्या सारी. ll 

धडधडा गडगडा ,

वाजे आभाळी नगर l 

मायधरेच्या अंगणी,

 फुले मोराचा पिसारा. ll 

नेई मृदगंध वाहून,

कसा भणाणता वारा l 

मोदेभरल्या थेंबांत,

अन अंगावरी शहारा. ll 

नभातून धरेकडे,

लागे मोत्यांची पंगत l 

दऱ्या डोंगरामधुनी,

पाणी दिसले रंगात. ll 

काळ्या उजाड मातीला,

आता पाजले अमृत l 

उमलेल गर्भातून तिच्या,

हिरवी पालवी डोलत. ll 

-- सौरभ जोशी